Косовскиот премиер Албин Курти ја потсети Белгија, која од јануари ќе го преземе претседавањето со Европската унија, дека Косово од 15 декември минатата година чека да добие статус на земја кандидат за членство во ЕУ.
Оваа дискусија се одржа на средбата што премиерот Албин Курти ја имаше во петокот со министерот за надворешни работи на Белгија, Хаџа Лахбиб.
Како што се наведува во соопштението од Кабинетот на премиерот, Курти и се заблагодарил на Белгија за поддршката што ја дава на Косово, при што рекол дека отворањето на Амбасадата на Белгија на Косово е манифестација на „одличните билатерални односи, потенцијалот и меѓусебната волја за продлабочување на односите“.
„Бидејќи сме на прагот на белгиското претседателство со Советот на Европската унија, разговаравме и за процесот на интеграција на Западен Балкан во Европската Унија, поточно за патувањето на Република Косово во таа насока. Косово ја поднесе својата апликација за членство на 15 декември минатата година и чека да добие статус на земја кандидат“, се наведува во коминикето.
На средбата се разговараше и за безбедносната состојба во регионот и односите Косово-Србија, два месеци по терористичкиот напад во Бањска и Звечани.
исто така
Курти: ЕУ мора да работи на обезбедување статус на кандидат за Косово
„Премиерот Курти го информираше белгискиот министер Лахбиб за посветеноста и конструктивниот пристап што Косово го има во текот на процесот на дијалог со посредство на Европската унија и за позицијата на Косово на последниот состанок во Брисел истиот ден кога се одржуваше и Самитот на Европскиот совет. “, се вели во соопштението.
Курти, исто така, рече дека Косово е посветено на целосно, брзо и безусловно спроведување на Основниот договор и Анексот и дека нивниот потпис е „гаранција за нивното почитување и спроведување кон стабилна нормализација на односите меѓу Косово и Србија“.
