Косовската полиција изврши упад во објектот каде се наведува дека се одвивале активности на Управата за урбанизам на паралелната општина на северот на Митровица.
Заменик-директорот на полицијата за север, Ветон Елшани, рече дека во овој објект одзеле некои документи.
„Денеска, откако добивме информација дека во стан во близина на техничкото училиште може да работи подружница на урбанизација северна Митровица, ја потврдивме оваа информација и се покажа дека е точна. Откако беше контактиран обвинителот на случајот, одземени се документите пронајдени таму, со неколку лица е извршен разговор и случајот со фалсификување документи е прикачен на претходниот случај што го имавме со паралелната структура на Митровица север“, нагласи Елшани.
Тој рече дека во овој случај нема уапсени лица.