Jonathan Elystan Rees i cili përfaqëson Bashkim Smakajn në rastin në të cilin së bashku me Hashim Thaçin, Isni Kilajn, Fadil Fazliun dhe Hajredin Kuçin tha se provat anonime nuk duhet të kenë vlerë provuese dhe nuk duhet të ndikojnë në vendimin për fajësinë.
Rees tha se e mbështetë deklarimin e avokates së Hashim Thaçit sa i përket transkripteve.
Sipas Rees, Prokuroria mbështetët në fotografitë në qesen e provave por që në parashtrimet e saj, ajo ka bërë redaktimin e emrit të autorit të fotografive.
“U bë një përpjekje për të trajtuar këtë pyetje në mënyrë të drejtpërdrejtë dhe filloi nga përpjekja për të paraqitur prova të tjera në këtë fazë të vonë të procesit gjyqësor edhe pse procesi ishte deklaruar i përfunduar”, tha ai
Rees tha se me të drejtë u vendos që të refuzohet nga gjyqtari. Ai shtoi “se kjo ishte një përpjekje për të ndrequr gabimet e Prokurorisë”.
“Dëshmitë anonime kanë peshë të zvogëluar dhe kjo buron nga kërkesa që nuk duhet të merret një vendim vendimtar fajësie mbi provat e kësaj natyre”, tha ai.
“Mund të quhen çfarëdo lloj dokumenti tjetër por nuk mund të quhen në asnjë mënyrë prova me vlerë provuese. Këto janë po aq provuese sa edhe transkriptet e Prokurorisë që përbën zëra apo emra të caktuar, apo shkrime se çfarë dëgjohet në incizim lidhur me tingujt jobverbal” tha ai.
Si rrjedhojë, ai tha se nuk duhet të iu jepet asnjë peshë dokumenteve të tilla dhe se Bashkim Smakaj duhet të shpallet i pafajshëm.
