-
Од:
Валбона Битиќи
- 7 август 2024 13:44 ч
- Споделете на:
Министерот за внатрешни работи на Косово, Џелал Свечла, изјави дека прашањето за отворање на мостот Ибри за сообраќај е затворено од 2016 година.
Тој рече дека ова веќе не е прашање на дијалог.
Тој е виден со министерот за локална самоуправа Елберт Красниќи како врши увид на мостот.
Тој рече дека увидот опфаќа две фази.
„Увидот е во две фази, во процес сме, постапуваме според планот што го споделуваме со колегите и не гледам ништо извонредно. Работата е затворена, од 2016 година. Воопшто не се работи за дијалог. Се работи за право на отворање и за одлука која е веќе јавна“, изјави Свечла на новинарите.
За денешниот протест на Србите на север против отворањето на мостот Ибри, Свечла рече дека сите граѓани го уживаат правото на протест.
