Познавачите на протоколот оценуваат дека Ракиќи го прекршил законот со „исчезнување“ на знамето

Знамето на Република Косово не се наоѓа во ниту еден агол од Кабинетот на вицепремиерот од Српската листа, Горан Ракиќ.

Бидејќи е и министер за локална самоуправа, државното знаме не е видено на ниту една негова официјална средба, пренесува КОХА.

Од кабинетот на министерот Ракик не одговорија на прашањата на телевизијата дали во неговиот кабинет е знамето на Косово.

Кабинетот на премиерот Авдула Хоти преку писмен одговор демантира дека владејачкиот партнер од Српската листа Горан Ракиќ го тргнал косовското знаме од неговиот кабинет.

„Вицепремиерот Горан Ракиќ не отстрани ниту еден симбол на Косово, ниту знамето од неговиот кабинет. Прашањето за употребата на симболите е определено со државниот протокол, затоа секој службеник е должен да се придржува до овој протокол. За случајот за кој се зборува во медиумите, ве уверуваме дека симболите се таму каде што беа и немаше никакво отстранување“, се вели во одговорот на Кабинетот на премиерот.

Сепак, на претходникот на Ракик, поранешната министерка за локална самоуправа, Емиља Реџепи, не и беше проблем да го задржи косовското знаме во канцеларијата.

Во меѓувреме, претседателот на Косово, Хашим Тачи, изјави дека тој што не ги почитува законите и симболите на Републиката, нема место во институциите.

„Уште кога бев премиер на државата, претставниците на сите заедници ги почитуваа институциите, Уставот, законите и симболите на државата Косово, инаку тој не остана ниту една минута во својот кабинет, прашајте го сега г. Хоти. Кој не ги почитува законите на Косово, нема место во институциите“, рече Тачи.

Дури и познавачите на протоколот сметаат дека вицепремиерот Ракик направил законска повреда, бидејќи не ги почитувал симболите на државата. Томор Авдија оценува дека Ракиќи врз основа на фотографиите од канцеларијата за информирање на Владата го прекршил протоколот и законот.

Знамето на Косово не се појави ниту на средбата во средата на министерот Ракиќ со британскиот амбасадор Николас Абот, ниту на другите официјални средби со американскиот амбасадор Филип Коснет и шефицата на Канцеларијата на ЕУ, Наталија Апостолова.