За време на изборниот процес уапсени 14 лица, од кои повеќето за давање или примање поткуп

Од 14 лица кои беа уапсени за време на изборниот процес во земјава, приведени се 13, инволвирани во вкупно 6 случаи.

Државното обвинителство соопшти дека во општина Клокот се уапсени 4 лица осомничени за кривично дело „повреда на слободното определување на избирачите“ и „давање или примање поткуп во врска со гласање“.

Во Малишева во два одвоени случаи се приведени 3 лица, две лица за „давање или примање поткуп во врска со гласање“ и едно за „попречување на гласачкиот процес“.

Понатаму, како што соопштија од Обвинителството, во Скендерај се приведени 3 осомничени за сторено кривично дело „нарушување на тајноста на гласањето“. Во Фуше-Косово приведени се и 3 лица за сторено кривично дело „фалсификување резултати од гласање“.

„Државниот обвинител го информира јавното мислење дека ќе продолжи да го следи изборниот процес до конечното пребројување на сите гласови“, се наведува во соопштението.