Arbëri

Nga nesër vaksinimi anti-COVID edhe në Kodrën e Trimave në Prishtinë

Një pikë e re e vaksinimit kundër COVID-19 do të hapet nga e premtja në Qendrën e Mjekësisë Familjare në Kodrën e Trimave në Prishtinë.

Lajmin e ka bërë të ditur Qendra Kryesore e Mjekësisë Familjare në Prishtinë.

“Ju njoftoj se nga nesër me dt. 18.02.2022 do të hapim edhe një pikë të re për vaksinim kundër Covid-19, në Qendrën e Mjekësisë Familjare nr.2 në Kodrën e Trimave”, thuhet në njoftimin e QKMF-së në Prishtinë.

Kjo qendër e re e vaksinimit do të punojë 7 ditë të javës, duke filluar nga ora 07:00 deri në ora 19:00.

Nga 10 shkurti ka nisur vaksinimi anti-COVID edhe në sheshin “Zahir Pajaziti” në Prishtinë.

Vaksinimi kundër COVID-19 në Prishtinë aktualisht bëhet në QMF-7 në lagjen “Kalabria”, në Qendrën Tregtare “Albi Mall”, në sheshin “Zahir Pajaziti”, dhe nga nesër edhe në “Kodrën e Trimave” në Prishtinë (QMF-2).