Lagjet e Prishtinës në hall nga reshjet

10 July 2019 14:39

Shiu që po bie pandërprerë për orë të tëra në Prishtinë ka nisur që të shkaktojë probleme.

Banorët e Bregut të Diellit kanë incizuar pamje te rrethi përball “Banesave të Bardha”, ku niveli i ujit është goxha i lartë. “Bregu i Diellit u bë me deti”, ka thënë një banor i kësaj lagje.

Një tjetër banor i lagjes Dardania ka postuar një fotografi, ku thotë: “Hapet pishina super moderne ‘Mbi Kurriz’. Hyrja gratis për banorët e lagjes!”.

Image

Dje probleme ka pasur në rrugën Bajram Bahtiri, që ka bërë që uji mbi asfalt të marrë pamjen e një lumi.

Ndërkohë dhjetëra persona kanë shpërndarë fotografinë nga pamja që kanë marrë shkallën e saporinovuara të Dragodanit, emblemë e kryeqytetit.

Ndërkohë, Komuna e Prishtinës ka lënë në dispozicion numra emergjent në rast të nevojës.

“Dje dhe sot sasia e madhe e reshjeve të shiut ka shkaktuar probleme në disa pjesë të qytetit. Ju njoftojmë se të gjitha ekipet e shërbimeve publike, inspekcionit dhe kompanitë e kontraktuara nga komuna janë në terren për të lehtësuar pjesët e prekura nga këto reshje. Ju lutemi që për çfarëdo emergjence të thirrni në numrat pa pagesë 080012233 dhe 080012244”, thuhet në njoftimin nga Komuna e Prishtinës.

Image

© KOHA. Të gjitha të drejtat janë të rezervuara.

Komentet

Shto koment

Të ngjashme