Një pjesë e Fushë Kosovës nesër do të ketë ndërprerje të ujit Foto: Koha

Një pjesë e Fushë Kosovës nesër do të ketë ndërprerje të ujit

15 March 2019 12:21

Kompania Rajonale e Ujësjellësit “Prishtina” sh.a. njofton konsumatorët e lagjes Kalabria, Zona industriale në Fushë Kosovë dhe konsumatorët e pjesës dërmuese të komunës së Fushë Kosovës se, gjatë ditës së nesërme, 16 mars 2019, do të kenë ndërprerje të furnizimit me ujë të pijshëm duke filluar nga ora 10.00 deri në orën 20.00.

Njoftohet se ndërprerja e ujit në zona të lartëcekura do të bëhet për shkak të punimeve teknike në rezervuarin në Shkabaj, në kuadër të investimit për linjën e re magjistrale Shkabaj – Fushë Kosovë dhe ndërhyrjet e nevojshme në rezervuarin e shpërndarjes në Shkabaj.

“Muaji maj 2019 do të jetë muaji i zgjidhjes përfundimtare të furnizimit me ujë të pijshëm për të gjithë qytetarët e Fushë Kosovës”, thuhet në njoftimin e ujëssjellëit ‘Prishtina”.

Image

© KOHA. Të gjitha të drejtat janë të rezervuara.

Komentet

Shto koment

Të ngjashme