Qytetarët kanë bërë vetë vendkalime të rrezikshme mbi hekurudhë

Marigona Hajdaraj 21 January 2019 20:39

Vendkalimi i improvizuar nëpër hekurudhën e trenit në Prishtinë, edhe pse i rrezikshëm e i ndaluar, është zgjidhja e vetme që qytetarët e kanë për momentin, për t’u lidhur me rrugën kryesore.

Qytetarët prapa kamerave, shprehen mjaft të shqetësuar, pasi që fëmijët e tyre duhet të kalojnë shpesh aty, raporton KTV.

Një banor i lagjes “Arbëria” në Prishtinë, thotë se janë disa vendkalime vetëm në atë pjesë.

Vozitësit e trenit mundohen që me sirenë të paralajmërojnë ardhjen e trenit, në mënyrë që të mos ndodhë ndonjë fatkeqësi.

Problem shkakton edhe te ngasësit e veturave mosvendosja e ndonjë ndalese, ani pse në këtë pjesë ka shenja paralajmëruese.

Kryeshefi i INFRAKOS- it, Agron Thaçi, ka thënë për KTV- në, se janë disa vendkalime të cilat janë ilegale, e që vazhdimisht i eliminojmë, por që përsëri vendosen.

Ai ka shtuar se kanë filluar hartimin e projektit të rehabilitimit të hekurudhës dhe do të bëhet zgjidhje afatgjate.

Ndryshe, zyrtarë të Policisë së Kosovës, kanë bërë të ditur se kanë identifikuar shkelje që janë bërë nga institucionet e tjera si Kuvendet Komunale dhe INFRAKOS-i, duke mos vendosur shenjat e komunikacionit rrugor për vendet ku kryqëzohen rrugët dhe hekurudha.

Sipas Policisë, ky institucion do të bëjë inspektime, me qëllim që të verifikojë se a janë marrë masa nga institucionet përkatëse për vendosjen e shenjave adekuate në hekurudha.

© KOHA. Të gjitha të drejtat janë të rezervuara.

Komentet

Shto koment

Të ngjashme