Pas shpërthimit të gypave, gjysma e Prishtinës pa ujë, reduktimet vazhdojnë

Pas shpërthimit të gypave, gjysma e Prishtinës pa ujë, reduktimet vazhdojnë

20 qershor 2018 19:22

Gati gjysma e Prishtinës ka mbetur pa ujë pas shpërthimit të gypit magjistral që lidh kryeqytetin me liqenin e Badovcit, raporton KTV.

Për disa orë, edhe Qendra Klinike Universitare e Kosovës është përballur me këtë problem. Ndërsa deri në zgjidhjen e problemit, reduktime do të ketë në disa lagje të kryeqytetit.

Një pëlcitje e gypit magjistral, që lidh liqenin e Badovcit me rezervuarin e ujit në lagjen Velania, të mërkurën, ka lënë pa ujë gati gjysmën e Prishtinës.

Që nga mëngjesi, ekipet e ujësjellësit kanë nisur punën për sanimin e problemit – në afërsi të rrethrrotullimit të Matiqanit.

Për disa orë – derisa është bërë një zgjidhje alternative – Qendra Klinike Universitare e Kosovës është furnizuar me ujë vetëm nga autocisternat.

Deri në sanimin e prishjes në gypin 650-milimetërsh, disa lagje të kryeqytetit do të përballen me reduktime.

“Zona e Dodonës, pjesa te shkolla normale dhe Sofalia, Aktashi dhe Lagjja e Muhaxherëve, një pjesë e Bregut të Diellit dhe disa zona përreth nuk do të mund të kenë furnizim konstant.”

Xhafa ka thënë se do të vazhdojnë me punë intensive që deri në orët e vona të së mërkurës ose më së largu të enjten, të zgjidhin këtë problem.

© KOHA. Të gjitha të drejtat janë të rezervuara.

Komentet

Shto koment

Të ngjashme