Mund të duket e çuditshme, por rënia nga pesha është një mision, pikënisja e së cilit është tryeza e bukës. Dhe ky artikull ka të bëjë me ushqimet e pasura me niseshte që nxisin mbipeshën.

Megjithatë, jo çdo ushqim i pasur me niseshte është i pashëndetshëm për organizmin.

Ekspertët veçojnë katër ushqime të cilat pengojnë çdo përpjekje për të mbajtur peshë të shëndetshme.

Buka e bardhë dhe ushqimet e tjera me miell të përpunuar

Buka e tostit, buka e bardhë, e çdo produkt tjetër me miellin e bardhë shumë të përpunuar, janë të pasura me kalori dhe karbohidrate.

Ato përmbajnë pak fibër dhe edhe më pak proteina dhe ushqyes të nevojshëm.

Sipas ekspertëve, niseshteja te këto produkte tretet dhe përthithet sa hap e mbyll sytë duke rritur nivelin e glukozës në gjak.

Kjo është arsyeja përse njeriun e merr menjëherë uria, pasi ka ngrënë nga këto produkte.

Drithërat e mëngjesit

Këto janë ndër produktet më të konsumuara në vend, për faktin se konsumohen shpejt dhe janë një alternativë e pranueshme e atyre që nuk duan të dalin nga shtëpia pa vënë gjë në gojë.

Për fat të keq, shumë këto produkte janë të përpunuara dhe jo të shëndetshme prej sasisë së madhe të sheqerit që përmbajnë.

Ato janë të dëmshme veçanërisht për njerëzit që vuajnë nga diabeti dhe ata që janë të prirë të preken nga kjo sëmundje.

Në vend të tyre mund të konsumoni drithëra të përzier të papërpunuar si “muesli”.

Orizi i bardhë

Në tryezat shqiptare, orizi i bardhë gjen vend të paktën një herë në javë.

Por shija e tij nuk e bën atë domosdoshmërisht të shëndetshëm.

Orizi i bardhë është tërësisht i zhveshur nga fibra dhe proteina.

Si çdo karbohidrat tjetër bosh, orizi i bardhë tretet dhe përthithet shpejt duke rritur nivelin e sheqerit në gjak. Një gjë e tillë krijon një rreth vicioz urie për karbohidrate të përpunuara ose sheqerna.

Në vend të orizit të bardhë, zgjidhni atë me ngjyrë më të errët që do t’ju mbajë të ngopur më gjatë dhe do ta furnizojë organizmin me fibër.

Mst: Patatet e prera për skuqje

Patatet e ruajtura afatgjatë në ngrirje kanë një nivel të lartë glicemie dhe rrisin shumë shpejt nivelin e sheqerit në gjak.

Temperaturat tejet të ulëta që mundësojnë ruajtjen e patateve të gatshme, transformojnë niseshtenë në sheqerna dhe nga një ushqim i mirë kthehen në problem për organizmin.

Kjo pasohet me një rënie të shpejtë të energjisë së trupit dhe një uri të pashoqë.

Heqja dorë nga karbohidratet boshe mund të jetë e vështirë, por jo e pamundur. /agroweb.