Lifestyle

Studimet thonë se kequshqyerja ndikon te gjatësia e fëmijëve

Kequshqyerja për fëmijët në shkolla mund të jetë kontribuues në dallimet në gjatësinë prej 20cm në vende të ndryshme.

Raportet thonë se në 2019, 19-vjeçarët djem më të gjatë jetonin në Holandë, në gjatësi prej 183.8cm dhe më të shkurtit jetonin në Timor Leste, me 160.1cm.

Ndërkohë, Britania ra nga renditja globale për gjatësi, me 19-vjeçarët që u renditën të 39-t për nga gjatësia në vitin 2019 prej 1.78m, teksa në vitin 1983 zinin vendin e 28.

Studimi është përgatitur nga The Lancet.

Studiuesit thonë se vëzhgimi i ndryshimeve në peshën dhe gjatësinë e fëmijëve në botë është i rëndësishëm sepse mund të reflektoj në cilësinë e të ushqyerit dhe sa janë ambientet të shëndetshme për të rinjtë.

Ekipi ka studiuar të dhëna nga më shumë se 65 milionë fëmijë dhe adoleshentë nga mosha 5 deri në 19 vjeç, nga më shumë se 2 mijë studime nga viti 1985 deri në 2019.

Ata gjetën se në vitin 2019, mesatarisht, fëmijët dhe adoleshentët në Evropën veri-perëndimore dhe qendrore janë më të gjatit në botë.

Ndërkohë, 19-vjeçarët më të shkurtë në botë u gjetën se janë personat që jetojnë në Azinë jugore dhe jug-lindore, Amerikën Latine dhe Afrikën Lindore, raporton BBC.