Nuk është e lehtë të martohesh me motrën e shokut të ngushtë, thotë piktori Agim Bytyqi

Gashi Bytyqi: Kur erdha nuse në qytet duartrokitën sikur të ishte dhënë gol

21 January 2019 16:51
17:47

Agim Bytyqi dhe gruaja e tij Fehmije Gashi Bytyqi, kanë rrëfyer detaje interesante nga martesa e tyre në emisionin “Talk” të KTV-së.

Bytyqi, me profesion piktor, tregon që kur shkuan në fshat për ta marrë nusen shkuan së bashku burra e gra siç e do tradita në qytet, përderisa në fshat ndahen burrat dhe gratë. Po ashtu, ishte e pazakontë në atë kohë që burri të shkonte dhe ta merrte nusen.

Ndërsa zonja Gashi Bytyqi tregon se kur ka ardhur atë ditë si nuse në Prishtinë, të gjithë kanë duartrokitur sikur të ishte dhënë ndonjë gol, përderisa në fshat të gjithë mblidhen dhe presin me entuziazëm ta shohin nusen.

Për më tepër, shikoni videon.

17:34

Gashi Bytyqi: Jeta në qytet nuk ishte e lehtë, kam thyer shumë stereotipe

Diversitetet në martesë ishte tema e javës në kuadër të emisionit “Talk” në KTV. Të ftuar në emision ishin avokatja Fehmije Gashi Bytyqi së bashku me burrin e saj, piktroin Agim Bytyqi.

Si asnjëherë më parë, Gashi Bytyqi tregon detaje tejet interesante nga jeta bashkëshortore. Ajo meqenëse vjen nga Gllavica, një fshat i komunës së Lipjanit, martesa në qytet nuk ishte edhe aq e lehtë për të, pasi sipas saj kishte thyer shumë e shumë stereotipe. Adaptimi në qytet, me familjen e burrit, me rrethin dhe ambientin, i kishte peripecitë e veta.

Gërshetimi midis dy mentaliteteve të ndryshme, doket, zakonet, rutina ditore ishin gjëra që kërkonin kohë.

Se cilat ishin ndodhitë dhe momentet interesante me të cilat u përballë zonja Gashi Bytyqi, e kuptoni përmes videos më poshtë.

17:21

Pyetja e pazakontë që avokatja Gashi Bytyqi ia bëri burrit në takimin e parë

Avokatja Fehmije Gashi Bytyqi në “Talk” të KTV-së ka zbuluar një gjë interesante që kishte ndodhur në takimin e parë me burrin e saj, Agim Bytyqin.

Takimi i tyre i parë ishte në një kafene në Prishtinë. Pasi zonja Gashi Bytyqi vjen nga një vend rural tregon se ishte e pazakontë që vajzat nga vendet rurale të dilnin dhe të sorollateshin në kafenetë e Prishtinës aso kohe.

Takimin e parë që të dy e kujtojnë me shumë nostalgji, sepse pikërisht aty kishte ndodhur edhe puthja e tyre e parë. E më interesantja është se në fund të takimit zonja Gashi Bytyqi e kishte një pyetje të pa zakontë për burrin.

Se çfarë i kishte thënë në fund të takimit Agimit e zbuloni përmes videos në vazhdim.

17:07

A duhet çdo artist t’i shërbejë verë të dashurës në takimin e parë?

Shumë gjëra të bukura u diskutuan sot në studion e emisionit “Talk” të KTV-së së bashku me avokaten Fehmije Gashi Bytyqi dhe burrin e saj, piktorin e mirënjohur Agim Bytyqi.

Ai rrëfeu për takimin e parë me gruan e tij. Sado që nuk ishte e lehtë, megjithatë ai me delikatesë u mundua ta bëjë për vete që në takimin e parë duke i shërbyer verë, ndërsa për zonjën Gashi Bytyqi ishte hera e parë që ajo kishte dalë në një kafene në Prishtinë aso kohe.

Për detaje të tjera, shikojeni videon e plotë.

16:51

Nuk është e lehtë të martohesh me motrën e shokut të ngushtë, thotë piktori Agim Bytyqi

Mysafirë të emisionit “Talk” të KTV-së këtë javë ishin avokatja Fehmije Gashi Bytyqi së bashku me burrin e saj, piktorin Agim Bytyqi.

Diversitetet në martesë ishte tema e javës andaj kush më mirë se një avokate dhe një piktor do të mund të na rrëfenin për jetën e tyre në çift, të përbashkëtat dhe veçantitë për më shumë se 30 vite martesë.

Fehmije Gashi Bytyqi tregon se për ta pasur fat Agim Bytyqin ka luftuar për dashurinë e tyre, dhe ka refuzuar shumë të tjerë. Ndërsa Bytyqi tregon se nuk e kishte edhe aq të lehtë pasi gruaja e tij ishte motra e shokut të tij të ngushtë.

Për detaje të tjera, shikojeni videon e plotë.

© KOHA. Të gjitha të drejtat janë të rezervuara.

Komentet

Shto koment

Të ngjashme