Lifestyle

Simptomat e kancerit të prostatës

Foto: Ilustrim

Simptomat e kancerit të prostatës zakonisht përfshijnë probleme me urinimin, por si ta dini nëse zakonet e tualetit janë shenjë e sëmundjes?

Kanceri i prostatës shfaqet te burrat. Sëmundja zakonisht zhvillohet ngadalë, kështu që mund të duhen vite që simptomat të zhvillohen.

Simptomat zakonisht shfaqen kur prostata është mjaft e madhe për të ushtruar presion mbi uretrën. Kur presioni vendoset në uretër, mund të shkaktojë ndryshime në zakonet urinare dhe kontrollin e fshikëzës, të cilat zakonisht janë shenja e parë e sëmundjes, transmeton KosovaPress.

Zakonisht do të merrni simptoma të hershme nëse kanceri rritet pranë tubit që ju urinoni - uretrës dhe e shtyp atë, duke ndryshuar mënyrën se si urinoni.

Por për shkak se kanceri i prostatës zakonisht fillon të rritet në një pjesë të ndryshme të prostatës, kanceri i hershëm i prostatës nuk shtyp shpesh në uretër që të shkaktojë simptoma.

Cilat janë ndryshimet në shprehitë e tualetit dhe si ta dini nëse ato sinjalizojnë kancerin e prostatës?

Simptomat më të zakonshme të kancerit të prostatës janë ato që keni nevojë të urinoni më shpesh, shpesh gjatë natës, dhe keni nevojë të nxitoni në tualet.

Kjo mund të përfshijë gjithashtu vështirësi ose hezitim në fillimin e urinimit, lodhje ose marrje e një kohe të gjatë ndërsa urinoni dhe rrjedhjes së dobët. Simptoma të tjera janë ndjenja që fshikëza nuk është zbrazur plotësisht dhe gjak në urinë.

Këto simptoma nuk do të thotë që ju keni kancer të prostatës, por mund të jenë shenjë e një gjendje jo kanceroze të quajtur zgjerimi i prostatës, e cila është e zakonshme te meshkujt mbi moshën 50-vjeçare dhe zakonisht nuk është një kërcënim serioz për shëndetin.

Simptomat e zgjerimit të prostatës janë shumë të ngjashme me kancerin e prostatës, me të cilat mund të ngatërrohen lehtë.

Megjithatë, kur kanceri i prostatës përhapet në pjesë të tjera të trupit, simptoma të ndryshme mund të shfaqen. Këto mund të përfshijnë dhimbje në shpinë, ija, humbje të oreksit, dhimbje në testise dhe humbje të pashpjegueshme në peshë.

Ju duhet të vizitoni mjekun për të konstatuar gjendjen dhe të sigurohuni që të merrni trajtimin e duhur nëse keni nevojë.

Nëse nuk keni ndonjë simptomë, por jeni të shqetësuar për kancerin e prostatës, mund të flisni me një mjek nëse jeni mbi 50-vjeç, keni një histori familjare të kancerit të prostatës, ose jeni me prejardhje afrikano-karaibase ose afrikane, pasi këta njerëz janë më shumë të rrezikuar nga sëmundja.