Gjurmët e këmbëve të dinosaurëve që datojnë 100 milionë vjet më parë, janë zbuluar në Kinën jugperëndimore, pasi një darkues me sy të mprehtë i pa në oborrin e jashtëm të një restoranti.

Disa “gropa guri” në restorantin në Leshan, provincën Sichuan, përmbanin gjurmët e dy sauropodëve, një lloj dinosauri që jetoi gjatë periudhës së hershme të Kretakut, tha Lida Xing, një paleontologe dhe profesoreshë e asociuar në Universitetin e Gjeoshkencave të Kinës.

Ekipi i Xingut konfirmoi zbulimin të shtunën duke përdorur një skaner 3D, shkruan CNN të martën.

Sauropodët, të njohur për qafën dhe bishtin e tyre të gjatë, ishin kafshët më të mëdha që kanë ecur ndonjëherë në Tokë. Ata mund të rriteshin në gjatësinë e tre autobusëve shkollorë dhe ishin aq të rëndë sa toka duhej të ishte lëkundur derisa ecnin.

Dy sauropodët që lanë gjurmët ndoshta ishin rreth 8 metra në gjatësi trupore, tha Xing.

Edhe pse shumë fosile dinosaurësh nga periudha Jurassic janë zbuluar në Sichuan, shumë më pak fosile nga periudha e Kretakut janë gjetur. Periudha Kretake është kur “dinosaurët me të vërtetë lulëzuan”, tha Xing, duke shtuar se, “ky zbulim është në të vërtetë si një bashkim pjesësh figure, duke shtuar një pjesë të provës në periudhën e Kretakut të Sichuan dhe diversitetin e dinosaurëve”.

“Është e rrallë të gjesh fosile në qytet, sepse të gjitha ishin mbuluar nga ndërtesat”, tha ai.

Ekipi i tij synon të vizitojë vendet e zbulimeve të mundshme brenda 48 orëve nga marrja e një raporti nga frika se “mund të shkatërrohen nga puna ndërtimore brenda disa ditësh”.