Kuriozitet

Mundësit me vaj ulliri të Turqisë

Rreth 2200 mundës u përballën me njëri-tjetrin në Edirne të Turqisë për të fituar brezin e artë në mundjen e vajisur, një traditë e këtij vendi që nga shekulli XIV.

Mundësit duhet të jenë të veshur me pantallona lëkure dhe lyhen me vaj ulliri përpara ndeshjes që zhvillohet në fushë me bar, transmeton tch.

Mes pretendentëve për të fituar brezin e artë dhe një çmim prej 14 000 dollarësh ishte edhe Umit Kinali, një truproje 32-vjeçar nga Bodrumi.

“Gjyshi im ka qenë mundës vaji dhe unë dua të vazhdoj traditën e familjes sime. Mundja është qejf”, tha Umiti.

Sot do të jetë finalja e madhe e garës, që është në edicionin e saj të 656.

Mundja me vaj është sport kombëtar në Turqi dhe praktikohet gjithashtu edhe në veri të Greqisë.

{gallery}