Hans Langseth ka hyrë në histori si burri me mjekrën më të gjatë në botë. Kur ai vdiq në vitin 1927, gjatësinë e mjekrës e kishte rreth 5 metra.
Por si linda dëshira për një mjekër të gjatë?
Langseth, një norvegjez i lindur në vitin 1846, që nga fëmijëria e kishte pasur një synim: ta rriste mjekrën.
Këtë iniciativë e kishte nisur në moshën 19-vjeçare, kur ishte hapur një konkurs lokal për personin me mjekrën më të madhe. Ai kishte marrë pjesë aty ndërsa nuk është bërë e ditur nëse kishte fituar.
Langseth më vonë u largua në drejtim të Shteteve të Bashkuara të Amerikës, ndërsa tërë jetën "ia kushtoi mjekrës".
Për mjekrën, Langseth u përkujdes tërë kohën. Atë e lidhte në trup, e drejtonte dhe e rregullonte me qëllim që të rritej edhe më shumë.
Pak para se të vdiste, norvegjezi ia la fëmijëve një amanet të rrallë: mjekrën t'i prinin dhe t'ia dhuronin Departamentit të Antropologjisë në Institutin Smithsonian.
Kanë qarkulluar teori se Langseth ka vdekur pasi kishte shkelur në mjekrën e tij mirëpo nuk janë vërtetuar kurrë.
-
10 prill 2022 23:20
-
Shpërndaje në: