Kuriozitet

Qytetet më të mira për të udhëtuar në vitin 2022

Për ata që kërkojnë diçka vërtet të veçantë që do të frymëzonte udhëtimet e tyre të ardhshme, iu sjellim qytetet që kanë mirëpritjen më të mirë për mysafirët në botë dhe që rekomandohen të vizitohen gjatë vitit 2022.

Nga arratisja në ishujt jashtë “rrezes së radarit”, në qytetet historike dhe mrekullitë arkitekturore dhe në vendpushimet malore të pacenuara, destinacionet e këtij viti janë zgjedhur për të ofruar vazhdimisht një mikpritje të jashtëzakonshme, siç dëshmohet nga më shumë se 232 milionë komente të verifikuara udhëtarësh në Booking.com.

Matera, Itali

Ky qytet mahnitës i Italisë jugore është me të drejtë në qendër të vëmendjes. Nuk është e çuditshme që është sfondi i filmave të suksesshëm të Hollivudit, por njihet edhe si qyteti numër 1 në botë për vitin 2022, sipas vlerësimeve të vizitorëve.

Bled, Slloveni

Kushdo që kërkon një destinacion aktiv pushimesh duhet të ketë parasysh Bledin. Me një liqen mahnitës, Bledi është një vend i mrekullueshëm për ecje, sporte ujore dhe çiklizëm. Qyteti gjithashtu ka mbrojtur prej kohësh praktikat e turizmit të qëndrueshëm për mjedisin, duke e bërë atë një vend piktoresk për udhëtarët e ndërgjegjshëm ndaj mjedisit.

Taitung, Tajvan

Taitung, në bregun juglindor të Tajvanit, është i njohur për plazhet e tij të bukura, parqet natyrore dhe kulturën e pasur indigjene, për të cilën është jashtëzakonisht krenare. Me një klimë tropikale gjatë gjithë vitit, udhëtarët nuk do të zhgënjehen me motin apo pamjet mahnitëse që ofron qyteti. Vlen të përmendet veçanërisht pika panoramike nga Lijušan, e njohur ndonjëherë si Mali i Krapit. Taitung ka një kuzhinë që është një parajsë për udhëtarët. Një mënyrë e mirë për të qarkulluar dhe për të zbuluar se çfarë ofrohet është të vizitoni tregun e natës Taitung, i cili është plot me dyqane ushqimore në rrugë.

Nafplio, Greqi

Nafplio, një qytet bregdetar në pjesën lindore të Peloponezit, vlerësohet për hijeshinë dhe bukurinë e tij dhe ndodhet vetëm dy orë në perëndim të Athinës. Një perlë relativisht e panjohur, Nafplio është një zgjedhje e shkëlqyer për ata që duan të shmangin turmat e turistëve të huaj gjatë muajve të verës dhe ofron shumë arkitekturë mahnitëse dhe vende historike për t'u eksploruar.

Toledo, Spanjë

I vendosur në Spanjën qendrore vetëm 30 minuta me tren nga Madridi, qyteti antik i Toledos mirëpret vizitorët me krahë hapur dhe duhet të jetë në rrugën e çdo udhëtari. Qyteti, i njohur për tolerancën e tij ndaj komuniteteve të ndryshme që kanë jetuar në harmoni prej shekujsh, ofron terren të mirë për të gjithë ata që janë të interesuar për historinë, kulturën dhe arkitekturën.

Bruges, Belgjikë

Qyteti mesjetar i Bruges është një qytet i bukur dhe fotogjenik që udhëtarët mund të eksplorojnë dhe shijojnë. I referuar shpesh si "Venecia veriore", qyteti ka gjithashtu një reputacion të veçantë për mikpritjen e tij bujare dhe të ngrohtë, dhe vizitorët e qytetit mund të shijojnë pamjet me një shëtitje me varkë.

Monte Verde, Brazil

I njohur si "Zvicra" e Brazilit, Monte Verde është një fshat i vogël me një stil dhe atmosferë evropiane dhe rekomandohet të vizitohet për të eksploruar sa më shumë qetësinë që ofron ky vend.