Tetë deve dhe një lama janë gjetur në rrugët e Madridit në orët e hershme të së premtes, pasi kishin ikur nga një cirk, ka bërë të ditur Policia.
Pronari i tyre, cirku “Quiros Circus” ka fajësuar “sabotimin” nga aktivistët e të drejtave të kafshëve.
Ato janë vërejtur rreth orës lokale 05:00, në rajonin jugor të Carabranchelit, afër vendit ku ndodhet cirku.
Oficerët policorë u kujdesën që kafshët të kthehen të “sigurta” në vendin e tyre, ka bërë të ditur policia.
Menaxheri i cirkut, Mati Munoz ka thënë për mediat se gardhi elektrik që është i vendosur në hapësirën ku ndodhen kafshët, ishte prerë.
Ai ka fajësuar aktivistët e të drejtave të kafshëve, për të cilët ka thënë se kanë protestuar kundër cirkut çdo vit.
Ai ka thënë se ishte i lehtësuar që u gjetën llama dhe devetë Bactrian, të cilat kanë dy gunga dhe veshje të trasha me push.
-
5 nëntor 2021 22:10
-
Shpërndaje në: