Kuriozitet

Nike krijon atlete për persona pa duar dhe për ata me nevoja të veçanta

Gjiganti i atletëve, Nike, ka krijuar këpucë për personat pa duar dhe ata me nevoja të veçanta.

Marka e këpucëve zbuloi modelin e ri të hënën, të quajtur Nike GO FlyEase dhe mori vlerësime të mëdha në internet.

Dizajni intuitiv lejon që këmba të futet lehtë brenda atletes, pa pasur nevojë për t’u përkulur. Ndërsa këmba rrëshqet dhe shtypet poshtë në thembër, pastaj këpuca fiksohet, sipas Nike News.

Lehtësia e veshjes do të ishte tërheqëse për këdo, por janë ata persona me aftësi të kufizuar që do të përfitojnë më shumë nga ky model.

Me një çmim prej 120 dollarësh, atletet do të dalin në shitje më 15 shkurt.