Kuriozitet

Fshati ku të gjithë banorëve u është hequr nga një veshkë

Në Nepal është një fshat, i quajtur Hoske, ku të gjithë banorët janë jashtëzakonisht të varfër dhe për të mbijetuar ata ranë në kontak me trafikantë organesh.

Pa menduar shumë ata shitën një nga veshkat e tyre, për të siguruar jetën e familjarëve të tyre, duke parë se të ardhurat nuk buronin nga askund. Ky fshat, siç transmeton Shqip, edhe pse ka një emër zyrtar, të gjithë e njohin si “Fshati i Veshkave”.

Ajo çka është për t’u habitur këtu është se ka raste ku ky organ shitet edhe për 150 dollarë. Nga jeta e varfër ata detyrohen ta falin gati vetëm për pak ushqim. Çmimi arrin ndonjëherë edhe në 2 000 dollarë. Trafikantët, i marrin këta banorë dhe i dërgojnë në Jug të Indisë ku kryejnë të gjitha transplantimet dhe i shesin në tregun e zi.