Për vite me radhë, shkencëtarët kanë studiuar orbitat e çuditshme të trupave hapësinorë në sistemin e largët diellor dhe kanë qenë duke teorizuar gjatë gjithë kohës se arsyeja kryesore për këto orbita “të çuditshme” është Planeti “i pazbuluar”. Ai, spekulojnë shkencëtarët, është shumë larg Neptunit.

Studimet e mëparshme kanë supozuar se “Planeti X” ndodhet midis 45 dhe 150 miliardë kilometra larg Diellit dhe se masa e tij është midis 5 dhe 15 herë më shumë se ajo e Tokës. Duke qenë në një distancë të madhe, teleskopët e sotëm vështirë se mund ta “shohin”.

Astronomët mund të studiojnë objekte të tilla të largëta duke analizuar refraksionin e dritës rreth fushës gravitacionale të një objekti në shtegun e tij nëpër galaktikë.

Por dy fizikanë kanë sugjeruar një teori që “Planeti X” nuk është aspak një planet, por një vrimë e vogël e zezë, transmeton KosovaPress.

Ata theksojnë se një vrimë e zezë ka të ngjarë të rrethohet nga një rreth lënde e zezë që mund të shtrihet deri në 1 miliard milje në çdo mënyrë. Se kjo është me të vërtetë një vrimë e zezë mund të konfirmohet nga astronomët duke studiuar rrezet gama që ndodhin kur materia e errët dhe grimcat antimaterike të errëta takohen.

Fizikanët do të përpiqen të vërtetojnë teorinë e tyre duke analizuar imazhe të teleskopit Fermi në orbitën e Tokës dhe duke kapur rrezet gama në të gjithë hapësirën. Vëmendje e veçantë do t’i kushtohet grupeve të rrezeve sporadike gama që lëvizin ngadalë nëpër qiell.

Megjithëse disa astronomë dyshojnë në këtë teori, ata pajtohen që hulumtimi mund të rezultojë në informacione rreth materies së errët dhe burimeve të rrezeve gama si në sistemin tonë diellor, ashtu edhe në të gjithë universin.