Statuja e Melania Trumpit në Slloveni, me kritika të përziera Foto: Reuters

Statuja e Melania Trumpit në Slloveni, me kritika të përziera

06 July 2019 17:04

Një statujë ironike e Zonjës së Parë amerikane, Melania Trump, është shfaqur në vendlindjen e saj në Slloveni.

Artisti amerikan, Brad Downey, angazhoi një mjeshtër lokal artizanal, Ales Zupevc, për të gdhendur figurën e zonjës Trump nga një dru në qytetin Sevnica.

Rezultati ishte një “zonjë Trump” e drunjtë e veshur me një pallto të kaltër me dorën e ngritur në ajër, sikur të ishte në disko, shkruan BBC.

Image

Disa banorë e kanë përshkruar atë si “turp”, si “shtrumfe”, duke thënë se ajo “nuk ngjan fare me Melanian”, transmeton Koha.net.

Sevnica është bërë magnet turistik që kur Donald Trumpi u bë president i Amerikës më 2016, dhe zonja Trump – ish-banore e këtij vendi – u bë Zonja e Parë.

Derisa vizitorët kërkojnë të dhëna për vitet e hershme të zonjës Trump, banorët kanë vënë në shitje produkte të ndryshme të “brenduara” me Melanien, përfshirë sandale, ëmbëlsira, si dhe “burgerët Trump”.

Ndërsa për disa skulptura e re është e tepërt, për Katarinan, 66 vjeçe, kjo është “një ide e mirë” për të pasur vepra arti në qytet. “Melania është heroinë sllovene, ajo është ngritur në majë në SHBA”, tha ajo për AFP-në.

Image

© KOHA

Komentet

Shto koment

Të ngjashme