Si erdhi në Tiranë në vitet e '30-ta pakoja me florinj  e nisur për në Greqi

Si erdhi në Tiranë në vitet e '30-ta pakoja me florinj e nisur për në Greqi

20 May 2019 10:47

Kjo ndodhi në vitin një mijë e nëntëqind e tridhjetë e ca. Nuk e di mirë. Kur ma tregoi im atë, Micenko Stamati, isha i vogël, në atë moshë kur interesi përqendrohet te topi dhe lojërat dhe jo në ngjarje që ledhatojnë shpirtin, shkruan Frederik Stamati. Ka vite, me dhjetra, që im atë nuk është më dhe ndoshta vetëm rastësia, apo kërkimi me një vështirësi absolute në arkiva do të mundet të përcaktojë vitin, gjë që nuk e shpresoj.

Babai im punonte në postën e Tiranës, herë-herë edhe në sektorin e kolipoistës, që merret me pakot që vijnë nga jashtë.

Një mbasdite, kur po sistemonte kolitë e ardhura, nga njëra pako e dëmtuar në cep, “rodhën” disa monedha prej ari...

Lexoi destinacionin. Pakoja ishte nisur nga Posta e Triestets dhe adresohej për në Greqi. Ajo erdhi gabimisht në Tiranë. Baba lajmëroi menjëherë drejtorin. E hapën pakon. E gjitha ishte mbushur me monedha ari. Sa? Shumë.

U bë mënjëherë inventari dhe u lajmërua Posta e Triestes, e cila konfirmoi dërgesën, që për ndonjë pakujdesi kishte “ndrruar rrugën” dhe erdhi në Tiranë.

Posta shqiptare e ktheu pakon së bashku me florinjtë brenda në destinacionin nga ishte nisur, ndërsa Posta e Triestes dërgoi një letër falenderimi për gjestin, ku baba im ishte autori.

Komentet

Shto koment

Të ngjashme