Kuriozitet

Del në shitje prona madhështore me kodra e lumenj artificialë, e madhe sa një qytet

Kjo është një nga pronat private me sipërfaqe më të madhe. Shkon në total 266 kilometra katrorë, më e madhe se një qytet.

Prona është nxjerrë në shitje nga miliarderi amerikan, T. Boone Pickens, për 250 milionë dollarë. Blerësi do të marrë edhe 32 kilometra me përrenj artificialë, të ndërtuara ndër vite, kodrina të ngritura artificialisht nga toka e sheshtë, pyje private për gjueti zogjsh, zona të mbrojtura për kafshët e egra, liqene artificialë, fushë aviacioni e disa shtëpi të shpërndara nëpër hyrjet kryesore të pronës.

{gallery}

Miliarderi i naftës njihet për faktin që një pjesë të madhe të pasurisë e ka falur për bamirësi. Ai e ka modifikuar vit pas viti këtë pronë, dhe paratë e shitjes do t’ia kalojë fondacionit të tij bamirës.

89 vjeçari ka vendosur ta shesë për shkak të moshës dhe të problemeve me dëgjimin e shikimin, që sa vijnë dhe i shtohen. Siç thotë dhe vetë, tashmë i sheh të mjegullta rrugët e shumta të pronës, të cilat i ka shkelur me mijëra herë./tch