Kuriozitet

Çfarë ndodh kur në Google shkruani 241543903

A keni provuar ndonjëherë të shkruani në Google numrin 241543903?

Nëse prisni ndonjë përgjigje misterioze, atëherë gaboheni.

Fjala është për një nga “meme”-t në internet, transmeton Koha.net. Kur të shkruani këtë numër në Google do të shihni një numër të madh të fotografive të njerëzve, të cilët kanë futur kokën e tyre në frigoriferë.

Këtë “meme” e ka filluar David Horvitz në vitin 2009. Ai është një artist nga New Yorku, i cili në llogarinë e tij në Tumblr çdo ditë u ka dhënë shokëve të tij ide të ndryshme dhe “detyra”. Njëra prej detyrave ishte edhe “të fotografohesh me kokën brenda në frigorifer dhe atë fotografi ta etiketosh me numrin 241543903”.

Image

Në fund, ai vendosi të lansojë librin “Këshilla”.

Dhe pse ky numër? Në një rast, një mikut të tij të sëmurë i ka rekomanduar që të fusë kokën e tij në frigorifer. Numri është dhënë si një kombinim i numrit serik të frigoriferit dhe pakos së petëve të ngrira që mbahen në të.