#10YearChallenge është sfida që u bë virale ditëve të fundit në rrjetet sociale. Përmes saj bëhen krahasimet e ditëve të sotme dhe të para një dekade.
Një gjë e tillë po bëhet edhe në Kosovë.
Koha.net ka përgatitur një listë të tillë me disa nga politikanët kosovarë. Fotografitë janë realizuar nga fotoreporterët e Kohës Ditore, Alban Bujari dhe Driton Paçarada qysh nga paralufta e deri më tani.
Presidenti Hashim Thaçi për një dekadë nuk duket që ka ndryshuar edhe aq shumë. Por një foto nga arkiva e KD-së, e që ka shumë të tilla, Thaçi në vitin 2001 duket shumë ndryshe. Në një foto të tillë mund ta shihni madje edhe duke punuar diçka në kompjuter.
E kryeministri Ramush Haradinaj, në krahasim me ditën e sotme, sigurisht se para një dekade duket që kishte pasur shumë, shumë flokë. Fotoja e vitit 2009 e dëshmon këtë.
Lideri i Lëvizjes Vetëvendosje, Albin Kurti, atë kohë mund të shihej gjithmonë pa kollare, e ditëve të sotme nuk del në konferenca pa të.
Në anën tjetër, jo shumë dallim vërehet te kryetari i LDK-së, Isa Mustafa, pos që i janë shtuar thinjat dhe fare pak rrudha.
Pos që ka shtuar disa kilogramë, kryetarit të Prishtinës, Shpend Ahmeti, i janë shtuar edhe thinjat.
Zëvendëskryeministri dhe kryetari i Nismës, Fatmir Limaj, për 18 vjet dallim, ka ndryshuar pak. Thinjat janë detaji që e dallon në tri fotografitë e Kohës Ditore.
Nënkryetari i LDK-së, Lutfi Haziri, në 18 vjet vërehet se ka shtuar peshë.
Një tjetër person i njohur në politikë e që s’ka ndryshuar shumë është ish-kryetari i Prishtinës, Ismet Beqiri, sa i përket stilit të flokëve. Por ka ndryshuar shumë në stilin e veshjes.
Edhe te Mimoza Kusari-Lila dallimi kryesor është te flokët. Apo jo?
-
20 janar 2019 21:44
-
Shpërndaje në: