Kuriozitet

Në Gjermani sinjalet e semaforit edhe me imazhin e … Elvis Presleyt

Në Friedberg kur semafori bëhet i gjelbër, mesazhi është ”Now or never’’ (Tani ose kurrë) duhet të kalosh rrugën.

Qyteti i vogël gjerman ku Elvis Presley kreu shërbimin ushtarak midis viteve 1958 dhe 1960 kërkon të përsosë statusin e tij si një zonë kult e Mbretit të Las Vegasit në vend, duke instaluar tre dritat e sinjaleve të semaforit për kalimtarët me imazhin e tij.

Me ngjyrën e gjelbër do të sjellim në kujtesë siluetën e këngëtarit të hiteve si “Love me tender” apo “Return to sender” në sajë të qëndrimit të tij legjendar, ndërsa në ngjyrë të kuqe ai pozon pas mikrofonit, transmeton ATSH shkrimin e AFP-së.

Sinjalet e pazakonta të semaforit u instaluan në një shesh që mban prej vitit 1995 emrin e yllit, i cili vdiq në Memphis në 1977.

Megjithëse ka kaluar shumë kohë që kur Friedberg priti një kazermë të ushtrisë amerikane, për të kuptuar se çfarë muze mund të përfaqësonte kulti i Mbretit.

Një statujë në një rrethrrotullim në hyrje të qytetit shërben si shembull: “Baza ushtarake e Elvis Presley”, mund të lexohej në mbishkrimin kushtuar rokerit të famshëm, me kitarën e mbështetur në njërën këmbë.