Deti që po zhduket, shndërrohet në atraksion turistik në Uzbekistan

Deti që po zhduket, shndërrohet në atraksion turistik në Uzbekistan

18 gusht 2018 08:20

Erërat e furishme që e kishin mbërthyer këtë port të vogël, të nxjerrë jashtë funksionit, kah fundi i pranverës, shkaktuan habi edhe tek ekologu lokal, i mësuar me shkatërrimet e shkaktuara nga zhdukja e Detit Aral.

Një mjegull e dendur e priti ekologun, Gileyboi Zhyemuratov, teksa ai doli jashtë, atë ditë të majit, përcjell sot Koha Ditore artikullin e New York Times-it.

“Posa ta hapje derën, gjithçka ishte e mbuluar me një të bardhë, si të borës”, ka thënë Zhyemuratov (57), pasardhës i një gjenerate peshkatarësh, në një vend ku nuk ka më peshq.

Për tri ditë, erërat bënë rrëmujë në shtratin e detit që dikur ishte i katërti i planetit. Kripa mbuloi qiellin dhe bëri që banorët e portit të dikurshëm, Muynak, në Uzbekistanin perëndimor, t’i shoqëronte një shije e njelmët. Madje edhe shiu u bë i njelmët, duke bërë që bujqit e kapluar nga paniku të mundoheshin t’i shpëtonin produktet e tyre.

Derisa era nuk po ndalej, Vladimir Zuev, piloti i pensionuar rus, që tani organizon turne nëpër këtë qytet, po qëndronte i ulur në oborrin e tij, brenda të cilit bie në sy busti i Leninit dhe ikonave të tjera sovjetike.

“E kishe të pamundur të shihje diçka”, ka thënë ai. “Kripa ishte e thatë, por të ngjitej në lëkurë dhe nuk mund ta hiqje. Mezi që lahej me ujë”. Lulet në oborrin e tij u mbuluan nga kripa. (Artikullin e plotë mund ta lexoni në numrin e sotëm të Kohës Ditore)

© KOHA. Të gjitha të drejtat janë të rezervuara.

Komentet

Shto koment

Të ngjashme