Elhaida Dani “pushton” Rusinë, Kryeministri e pret me lule

Elhaida Dani “pushton” Rusinë, Kryeministri e pret me lule

16 prill 2018 22:06

Elhaida Dani ka udhëtuar drejt Kremlinit për të interpretuar si aktore në shfaqjen “Katedralja e Parisit”.

Shfaqja luhet në Pallatin e Kremlinit, ku këngëtarja shqiptare ka rolin kryesor, atë të Esmeraldës.

Image

Pas shfaqjes së të dielës në Pallatin e Kremlinit, Elhaida nuk mori vetëm duartrokitjet e publikut vendas, por edhe mirënjohjen e Kryeministrit rus, Dmitry Medvedev, i cili i kishte dërguar një buqetë me lule.

Image

Vetë këngëtarja e njohur shqiptare postoi në rrjetet sociale dhuratën e marrë me falënderimin përkatës.

Ndërsa, edhe Ambasada e Rusisë në Shqipëri ka shkruar për këtë ngjarje, duke thënë se “kultura bashkon”.

“Këngëtarja e njohur shqiptare Elhaida Dani ndodhet në Rusi si aktore e shfaqjes ‘Katedralja e Parisit’ që luhet në Pallatin e Kremlinit dhe ku ka rolin kryesor, atë të Esmeraldës. Mbrëmë pas shfaqjes, Elhaida mori një buqetë me lule nga kryeministri i Rusisë Dmitri Medvedev. Lajmin e bëri të ditur vetë këngëtarja në një nga postimet e saj”, ka shkruar kjo Ambasadë në Facebook.

© KOHA. Të gjitha të drejtat janë të rezervuara.

Komentet

Shto koment

Të ngjashme