Kumrije Hoxha si ushtruese detyre e drejtoreshës vazhdon programin e TKK-së

Kumrije Hoxha si ushtruese detyre e drejtoreshës vazhdon programin e TKK-së

04 April 2018 11:01

Prishtinë, 4 prill - Aktorja veterane, Kumrije Hoxha, do ta drejtojë Teatrin Kombëtar të Kosovës për një kohë të pacaktuar. Vakuumi pas shkarkimit të Agim Sopit nga pozita e drejtorit të përgjithshëm, të hënën e javës kaluar, do të marrë fund sot (e mërkurë), kur Kumrije Hoxha do të nisë drejtimin e institucionit në cilësinë e ushtrueses së detyrës së drejtoreshës.

Të martën Këshilli Drejtues i TKK-së ka vendosur që programi i paraparë për këtë vit në këtë institucion të vazhdojë nën menaxhimin e Hoxhës derisa të zgjidhet drejtori i ri, nëse Sopi nuk kthehet në këtë pozitë pas ankesës që ka bërë në Ministrinë e Kulturës, shkruan sot Koha Ditore.

Aktorja Kumrije Hoxha, e lindur më 1953 në Prishtinë, ka thënë se nuk mund të bëjë planifikime në raport me udhëheqjen e Teatrit pasi do të jetë në krye të këtij institucioni vetëm për kohë të shkurtër (më gjerësisht, sot në “Kohën Ditore”).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme