Kulturë

Kosova dhe Shqipëria “harrojnë” kalendarin e bashkëpunimit kulturor

Kosova dhe Shqipëria kanë pezulluar aktivitetet kulturore që janë paraparë të mbahen në Kalendarin e përbashkët kulturor kombëtar. Ministri i Kulturës, Kujtim Gashi, ka deklaruar për KTV-në se meqë kanë munguar iniciativat e përbashkëta, kalendari ka nevojë për rifreskim.

Drejtori i Baletit Kombëtar të Kosovës, Ahmet Brahimaj, thotë se në vazhdimësi nga Tirana zyrtare kanë munguar ftesat që kjo iniciativë të zhvillohet.

Pezullimi i aktiviteteve në kalendarin e përbashkët kulturor, për drejtorin e Filarmonisë, Baki Jashari, vjen si pasojë e mosprojektimit të saktë të shpenzimeve që institucionet kulturore i bëjnë gjatë paraqitjeve të tyre në këtë kalendar të Tiranës dhe Prishtinës .

Kalendari i përbashkët kulturor në mes Shqipërisë dhe Kosovës kishte për qëllim heqjen e barrierave kulturore ndërmjet artdashësve shqiptarë.