“DAM”-i me mesazhe për paqe dhe shifër rekorde të pjesëmarrësve

“DAM”-i me mesazhe për paqe dhe shifër rekorde të pjesëmarrësve

05 mars 2018 10:28

Festivali ndërkombëtar i muzikës tashmë ka rezervuar datat për edicionin e radhës. Mbrëmjet muzikore të “DAM”-it sivjet shtrihen prej 29 marsit e deri më datën 3 të muajit prill.

Nëpërmjet programit muzikor festivali do ta shënojë 100-vjetorin e përfundimit të Luftës Botërore, duke mëtuar të bëjë thirrje për paqe në botë, shkruan sot “Koha Ditore”.

Në kuadër të festivalit do të interpretohen vepra, të cilat e bartin këtë mesazh dhe një pjesë e tyre janë të kompozuara para një shekulli ose si burim të inspirimit e kanë luftën. Por edicioni i 13-të i “DAM”-it do ta shënojë edhe 10-vjetorin e shtetit të Kosovës me vepra të kompozitorëve kosovarë dhe shqiptarë të gjeneratave të ndryshme. Por gjithmonë duke ruajtur prioritetin për t’i promovuar muzikantët e rinj. E numri i pjesëmarrësve këtë vit kalon shifrën prej 300 muzikantësh.

Drejtori artistik i këtij festivali, Dardan Selimaj, ka thënë se në përgjithësi në fokus këtë vit do të jenë kompozitorët e Amerikës Veriore duke vazhduar traditën e nisur vitin e kaluar, kur në fokus ishin artistët dhe muzikantët nga Luksemburgu. Sa i përket temës, Selimaj ka thënë se mesazhi për paqe do të jehojë në këtë edicion... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme