Kulturë

Ahmeti do që të rikthehet kinemaja te ish-Shtëpia e Armatës

Ministri i Administratës Publike, Mahir Yagcilar, sot priti në takim kryetarin e Komunës së Prishtinës, Shpend Ahmeti, ku diskutuan rreth vazhdimit të bashkëpunimit ndërmjet Ministrisë së Administratës Publike dhe komunës së Prishtinës, bëhet e ditur përmes një komunikate për media.

Më tutje thuhet se ata kanë vlerësuar mundësinë e shfryëzimit të sallës së ish-Shtëpisë së Armatës në kinema për qytetin e Prishtinës, transmeton Koha.net.

“Më këtë rast, Yagcilar dhe Ahmeti vlerësuan mundësinë e shfrytëzimit të sallës së ish-Shtëpisë së Armatës në kinema për qytetin e Prishtinës dhe u dakorduan për koordinim mes dy institucioneve për të angazhuar në bashkërendimin e aktiviteteve dhe projekteve të përbashkëta për të ofruar shërbime publike sa më efikase në interesin e qytetarëve të Republikës së Kosovës”, thuhet në komunikatë.