Ministri ua çon auditorët institucioneve kulturore Foto: Koha

Ministri ua çon auditorët institucioneve kulturore

27 shkurt 2018 09:06

Ministria e Kulturës do të bëjë auditimin e të gjitha institucioneve nacionale të kulturës. Ky hap është marrë me iniciativën e ministrit të Kulturës, Kujtim Gashi. Pasi që t’i prezantohen raportet, kreu i MKRS-së do të rishikojë edhe ndarjen e buxhetit për to.

Në arsyetimet për mosrritje të buxhetit për institucionet e kulturës në raport me vitin e kaluar, ministri Gashi ka përmendur edhe auditimin e brendshëm, shkruan sot “Koha Ditore”.

Madje, pasqyrat financiare janë kusht që institucionet të marrin më shumë mjete në rishikim të buxhetit që pritet të bëhet në qershor. Ani pse nuk e ka përmendur specifikisht, kreu i MKRS-së ka lënë të kuptohet se ka dyshime se si shpërndahen paratë nëpër projekte.

E për t’i hequr dyshimet ka vendosur që të dërgojë auditorët e ministrisë që udhëheq, me gjithë faktin se edhe institucionet e kulturës çdo vit i nënshtrohen këtij auditimit të Zyrës Kombëtare të Auditimit.

Hapin e MKRS-së disa prej krerëve të institucioneve e kanë mirëpritur... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme