Nesër do të fillojë mbledhja e nënshkrimeve nga qytetarët të peticionit kundër privatizimit të Kinemasë së qytetit të Pejës “Jusuf Gërvalla”.

Për këtë iniciativë të cilës i janë bashkangjitur shumë vullnetarë të Pejës, do të përdoren 5 lokacione në qytet, për mbledhjen e nënshkrimeve.

Nënshkrimet do të mblidhen në këto pika:

1) Qendra e qytetit,

2) Universiteti “Haxhi Zeka”,

3) Stacioni i autobusëve,

4) Qarshia e gjatë,

5) Kinemaja “Jusuf Gërvalla”.

Pikat e peticionit do të jenë të hapura çdo ditë nga ora 10:00 deri në 15:00, deri më 28 Mars, transmeton kp.