Kulturë

Pesë fitues të “Fondit në mbështetje të krijimtarisë letrare” në Shqipëri

Për të dytën herë Ministria e Kulturës së Republikës së Shqipërisë mbështet autorin, përmes projektit “Fondi në mbështetje të Krijimtarisë Letrare”, përcjell KultPlus.

Këtë vit iu dha përparësi mbështetjes së krijuesve të rinj, deri 35 vjeç.

Nga 16 autorë, sa kanë konkurruar në gjinitë prozë dhe poezi, u përzgjodhën 5 fitues.

Juria e përbërë nga shkrimtarët Luljeta Lleshanaku, Arian Leka dhe Parid Teferici – pas kryqëzimit të pikëve të secilit, arriti si përfundim tek përzgjedhja e autorëve siç janë: Saimir Muzhaka, Manjola Nasi, Eris Rusi, Elona Çuliq dhe Belfjore Qose.

Theksojmë se anëtarët e jurisë i dhanë gjykimet e tyre në respekt të plotë vetëm të vlerës së projektit letrar, pa marrë parasysh emrat dhe jetëshkrimet e autorëve.