Kulturë

Filozofi i harruar shqiptar

“Filozof Riza Tevfiku”. Kështu e njihnin të gjithë. Meraku i tij për filozofinë ia kishte dhënë këtë emër. Ai nuk ishte vetëm filozof, por një poet shumë i madh dhe politikan gjithashtu. U lind më 1869 në kasabanë e ashtuquajtur “Xhisr-i Mustafapasha” në vilajetin e Edirnesë, në Svilendgradin e sotëm të Bullgarisë.

Nga një baba shqiptar dhe një nënë çerkeze. Për origjinën e tij ai do të fliste gjithmonë me mburrje dhe krenari, madje edhe në kohën kur nacionalizmi turk ishte në kulmin e tij. Profesori Muzaffer Doğan, i cili më 1983 kishte shkruar një artikull për Riza Tefikun në një të përditshme të kohës, kishte sjellë edhe vargjet e filozofit rreth origjinës së tij: “Babam Arnavuttur, annam Çerkes, bilmeyen varsa, öğrensin herkes” (Baba im shqiptar, nëna është çerkeze, nëse ka që s’e dinë, të gjithë le ta marrin vesh).