“Kosova për budallenj”, me katër shfaqje para audiencës zvicerane

“Kosova për budallenj”, me katër shfaqje para audiencës zvicerane

27 February 2017 10:16

Komedia “Kosova për budallenj” e dramaturgut kosovar, Jeton Neziraj, e cila me humor e satirë paraqet trajtimin që u bëhet emigrantëve, pas një udhëtimi nëpër teatro të ndryshme, destinacion të radhës e ka qytetin Winterthurin të Zvicrës.

Për katër net me radhë prej datës 2 deri më 5 të muajit mars kjo shfaqje do të jepet para publikut zviceran, shkruan sot “Koha Ditore”.

“Kosovo for dummies” në Prishtinë e premierën e pati në muajin tetor të vitit që shkoi, ndërsa deri më tani është shfaqur edhe në Bern, Cyrih e Lucern, Tiranë, Ferizaj e Tetovë dhe po ashtu edhe në festivalin ndërkombëtar të teatrit bashkëkohor “Euro-scene Leipzig”, në Lajpzig të Gjermanisë.

Shfaqja e realizuar nën regji të Johannes Mager, në të cilën luajnë Albana Agaj, Gunther Kaindl, Ursula Stäubli, Robert Baranowski dhe Nadim Jarrar, është bashkëprodhim me “Forever production”, që i kishte kërkuar Nezirajt të shkruante një dramë tillë.

Në një komunikatë për media të dërguar nga “Qendra Multimedia” është thënë se shfaqja do të jepet në teatrin “Kellertheater-Winterthur”, për ta vazhduar rrugëtimin e suksesshëm në skena të ndryshme.

“‘Kosovo for dummies’ është një komedi e realizmit magjik, që në mënyrë groteske e surreale shtjellon një histori të vogël të një vajze me emrin Antigona, e cila dëshiron të fluturojë bashkë me ëndrrat e saj... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme