Skenaristi, producenti dhe regjisori me renome ndërkombëtare, Paul Haggis, do t’u mbajë një ligjëratë studentëve të Regjisë dhe Televizionit në kuadër të Universitetit të Prishtinës.
Haggis, fitues i çmimeve Oscar për fotografitë më të mira në filmat Million Dollar Baby (2004) dhe Crash (2005), do të ligjërojë sot prej orës 17:00 në kuadër të festivalit të studentëve të Katedrës së Regjisë së Filmit dhe Televizionit të Fakultetit të Arteve “Cineup”.
“Kjo masterklasë është e dyta e këtij lloji, sepse ditën e djeshme festivali mbajti mastërklasën me prof. dr. Enver Petrovcin, e cila zgjoi interesimin e shumë studentëve. Festivali virtual, i cili u hap zyrtarisht më 5 maj, do të transmetojë 31 filma të studentëve të kësaj katedre”, thuhet në një komunikatë të UP-së.
Loreta Berbatovci, koordinatore e festivalit dhe studente e kësaj katedre, tha se në festival do të shfaqën filmat e studentëve gjatë katër viteve studim, por edhe të atyre që kanë diplomuar.
Ky është edicioni i parë i “Cineup” dhe po mbahet virtualisht për shkak të pandemisë, por sipas organizatorëve, mëtohet të bëhet tradicional, duke u hapur viteve të ardhshme edhe për studentët e vendeve të tjera.
-
7 maj 2020 14:11
-
Shpërndaje në: