“Shota” sjell valle me motive të Hasit

19 November 2019 21:50

Pjesa e parë e koncertit nis pa instrumente.

Hapat e valltarëve, të koordinuar nën koreografinë e Xhemajli Berisha, marrin formën e eksplorimit të traditës.

Kësaj radhe, valltarët e ansamblit të këngëve e valleve “Shota” po bëhen gati të sjellin para publikut valle nga regjioni i Hasit.

Përveç hapave të këtij regjioni, një element tjetër karakteristik do të jetë edhe kostumi me ornamente dhe qëndisje të asaj zone, raporton “Express” i KTV-së.

Pjesë e ekspeditës në fshatrat e Hasit, ishte edhe Ylber Asllanaj dhe prej aty është inspiruar për ta kompozuar muzikën.

Valltarët thonë se procesi i realizimit të premierës së radhës nuk ka qenë i vështirë, falë bashkëpunimeve të mëhershme me koreografin.

Koncerti i radhës i ansamblit “Shota” mbahet më 27 nëntor në Teatrin Kombëtar të Kosovës.

© KOHA. Të gjitha të drejtat janë të rezervuara.

Komentet

Shto koment

Të ngjashme