Të mbijetuarat e dhunës seksuale, pjesë e projektit të “Monet”-it

12 November 2019 20:30

Teknika e punës është e ndjeshme, njësoj si historitë dhe përjetimet që ato ndajnë me njëra-tjetrën.

Por, sado delikate që është teknika e artit të qeramikës, ato gjejnë motiv për punë dhe secila vepër është rezultat i një pune me shumë dashuri e përkushtim.

Kjo hapësirë u bë vendi i punës për të mbijetuarat e dhunës seksuale gjatë luftës së fundit në Kosovë.

Shoqata Artistike “Monet” po organizon punëtoritë e qeramikës, në të cilat 20 gra po njoftohen me përdorim të teknikave klasike të qeramikës nga faza e parë, modelimi i baltës me duar deri te ngjyrosja pikturimi e deri te finalizimi, që është pjekja, raporton “Express” i KTV-së.

Të gjitha pjesëmarrëseve u janë ofruar kushte maksimale për të ndjekur këto punëtori.

Punëtoritë e qeramikës, të organizuara nga “Monet”, do të finalizohen me një ekspozitë, në të cilat veprat do të nxirren në shitje.

Puna e grave pjesëmarrëse në këto punëtori, do të vazhdojë edhe pas hapjes së ekspozitës.

© KOHA. Të gjitha të drejtat janë të rezervuara.

Komentet

Shto koment

Të ngjashme