Kulturë

35 fotografi sjellin në Prishtinë një copë histori të Francës

Në 35 fotografi pasqyrohen vende kulturore franceze.

Vendet janë dokumentuar nga katër fotografë ndërkombëtarë.

Përmes tyre, audienca kalon nëpër rrugicat e fortifikuara, harqet e urave dhe në parqet e kështjellave.

Me shkarkimin e aplikacionit “France eMotion: Udhëtim i animuar”, vizitorët përjetuan një udhëtim të animuar nëpër këto vende.

Kjo ekspozitë vjen në formën e eksplorimit të pasurisë së jashtëzakonshme të trashëgimisë kulturore franceze.

Imazhet ilustrojnë një histori në lëvizje.

“Është interesant se tregon histori për trashëgiminë kulturore të Francës. Tregon shumë nga vendet e Francës dhe nëse e përdorim aplikacionin falas në telefon, mund të ta keni një eksperiencë të animuar kur fotografitë vijnë në jetë prej telefonit tuaj të mençur. Kjo e bën që të duket një udhëtim drejt ëndrrës”, ka thënë Anne-Sophie Veyrier, drejtoreshë e Aleancës Franceze.

Ky udhëtim vizual në Francë dëshmon për trashëgiminë e një tradite të gjatë.

Te vizitorët ka ardhur si një vrojtim pamjesh unike në trashëgiminë e larmishme të vendit.

Ekspozita do të qëndrojë e hapur për dy javë në Aleancën Franceze në Prishtinë.