Kulturë

Zbulohen 17 mumie në Egjipt

Arkeologët në Egjipt kanë zbuluar 17 mumie në Minya, Egjipt.

Këtë e ka bërë të ditur Ministria për Antikitete, duke thënë se po japin ndihmë të madhe edhe në sektorin e turizmit, shkruan Reuters, transmeton Koha.net.

Ato janë gjetur 8 metra nën tokë në Minya, provincë e cila gjenet 250 km larg nga Kairo.

Bëhet e ditur se janë zbuluar arkivole të kafshëve, gurë gëlqeror, dhe papirus.

Këto pjesë fillimisht janë zbuluar nga disa studentë nga një Universitet në Kairo, të cilët po bënin hulumtime.

Nuk është konfirmuar nëse dhoma ku janë zbuluar mumiet i takojnë Egjiptit të lashtë, megjithatë arkeologu Mohammed Hamza ka thënë se tani janë duke u bërë hulumtimet.