Vesna Pisaroviq performon në Lumbardh më 19 korrik

Vesna Pisaroviq performon në Lumbardh më 19 korrik

12 July 2019 16:53

Këngëtarja kroate e pop dhe jazz Vesna Pisaroviq e shoqëruar nga ansambli i saj muzikor do të performojë në Lumbardh më 19 korrik në orën 21:00.

Pisaroviq do të performojë për herë të parë në Kosovë me një eksplorim ironik të trashëgimisë së muzikës jugosllave pop të viteve 1950 dhe 1960, The Great Yugoslav Songbook që bashkon një kombinim të zhanreve muzikore dhe i dekonstrukton ato të ngjasojnë me një montazh të veçantë muzikor.

“Përfshirë baladat e bendeve të mëdha dhe hitet e Eurovisionit, meloditë franceze dhe Schlagers italiane, meloditë tronditëse të shkrehura dhe meloditë eksperimentale të rokut, së bashku me ritmet latine të Mesdheut, projekti zhveshet dhe manipulon tingujt. Në këtë kornizë, në vend që të shfaqet e vjetra, formohet një krijim i ri i të kaluarës”, thuhet në njoftim.

Duke performuar për herë të parë te Lumbardhi, zëri i këngëtares Vesna Pisaroviq dhe ansambli i saj i partnerëve muzikor përfshirë Giorgio Pacorig në piano, Zeno de Ross në bateri dhe Romano Todesco në bas , do të sjellë në jetë një koleksion të improvizimit dhe eksperimentimit të xhazit .

Sipas njoftimit, ky koncert organizohet në kuadër të partneritetit mes Fondacionit Lumbardhi dhe Forum ZFD në Kosovë dhe Forum ZFD në Serbi, me mbështetje nga Ministria Federale për Bashkëpunim Ekonomik dhe Zhvillim (BMZ). Sezoni i muzikës te Lumbardhi mbështetet nga Gjirafa, BpB dhe Koha Group.

© KOHA. Të gjitha të drejtat janë të rezervuara.

Komentet

Shto koment

Të ngjashme