“Rrathët e ferrit”, libri autobiografik i Nijazi Strajës

“Rrathët e ferrit”, libri autobiografik i Nijazi Strajës

08 July 2019 20:25

Historia e një njeriu që nuk deshi asgjë më shumë sesa më të mirën për atdheun dhe popullin e vet - lirinë, është përmbledhur në librin e titulluar “Rrathët e ferrit”.

Libri me autor Nijazi Strajën, që pasqyron shpërnguljet dhe vuajtjet e shqiptarëve në Turqi, u promovua të hënën në ambiente të Bibliotekës Kombëtare, raporton “Express” i KTV-së.

Redaktori Avni Dehari, tha se personazhet dhe ngjarjet e këtij libri janë reale.

“Rrathët e ferrit” është botuar nga Shoqata e ish-të burgosurve politikë të Kosovës.

Sami Kurteshi, redaktor i dytë i librit, tha se “Rrathët e ferrit” trajton një të vërtetë të hidhur të mërgatës shqiptare në Turqi.

Autori Nijazi Straja, i përlotur, ka ndarë me audiencën sfidat e shumta të jetës së tij.

Straja jeton në Stamboll dhe “Rrathët e ferrit” është libri i tij i parë.

© KOHA. Të gjitha të drejtat janë të rezervuara.

Komentet

Shto koment

Të ngjashme