Etnomuzikologu Munishi nderohet për kontributin gjysmëshekullor

Etnomuzikologu Munishi nderohet për kontributin gjysmëshekullor

25 May 2019 12:00

Për punën e kontributin e tij gjysmëshekullor në studimin, mbledhjen e promovimin e muzikës folklorike shqipe, etnomuzikologu Rexhep Munishi të premten në Ministrinë e Kulturës është nderuar me çmimin për veprimtari jetësore, “Niketë Dardani”, shkruan sot Koha Ditore.

Pasi ka falënderuar ata që e kanë propozuar, Munishi ka thënë se gjatë gjithë këtyre viteve është përpjekur ta hulumtojë trashëgiminë etnomuzikore shqiptare, ta evidentojë e analizojë dhe ta studiojë në mënyrë që edhe ta afirmojë në qarqe joshqiptare. “Nuk thuhet kot se gjuha dhe muzika janë segmentet identifikuese të një kombi.

të lumtë ata të cilët profesion zgjedhin etnomuzikologjinë”, ka thënë Munishi, pasi ministri i Kulturës, Kujtim Gashi, ia ka dorëzuar plaketën e çmimit, që shoqërohet me shpërblimin prej 5 mijë eurosh.

Pikërisht krejt këto kanë qenë pikat për të cilat është vlerësuar Munishi, nga juria e përbërë prej akademik Zeqirja Ballata, dirigjenti e kompozitori Baki Jashari e kompozitorja Dafina Zeqiri.

Akademik Ballata pasi ka lexuar biografinë e Munishit (74) ka thënë se ai për “gati pesë dekada është ngritur në një etnomuzikolog të njohur në Kosovë e më gjerë, me punë të pandërprerë dhe me të arritura me rëndësi kombëtare, duke pasuruar e ngritur thellimin e diturive prej etnomuzikologu”./Dardane Goranci

(Artikullin e plotë mund ta lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme