“Samsara” sfidon perceptimet e njeriut mbi realitetin

“Samsara” sfidon perceptimet e njeriut mbi realitetin

Donjeta Mejtani 24 April 2019 11:00

Prishtinë, 24 prill – “Samsara”, në të cilin nuk flitet asnjë fjalë, por shihen pamje të panumërta që përçojnë mesazhe të fuqishme, ka qenë dokumentari që “Kino Armata” ka përzgjedhur ta shfaqë për ta shënuar Ditën e Tokës. Nëpërmjet kamerës shikuesi bartet në vende të ndryshme të botës. Dokumentari prej 99 minutash ngjan si një udhëtim nëpër kontinente të ndryshme të planetit. Oqeane, lumenj, pyje, tempuj e popuj të vendeve të ndryshme me veshjet e traditat unike, janë imazhet me të cilat bëhet tërheqja në thellësi të dokumentarit. Krejt këto i paraprijnë kalimit në kontraste. Rrugëtimi vazhdon me pamje të metropoleve me rrokaqiej, fabrika industriale e qytete me rrugë plot makina. Dualiteti e kontradikta janë elementet kryesore të këtij dokumentari i cili sfidon perceptimet e njeriut mbi realitetin dhe thyen kufijtë e kuptimit mbi botën.

I titulluar bazuar në një fjalë të gjuhës tibetiane që ka kuptimin e “rrotës së jetës gjithnjë në rrotullim” – kronikon ciklet e jetës, vdekjes, shkatërrimit dhe rilindjes që ndodhin në planetin tonë në mënyra të mëdha dhe të vogla.

Ilir Hasanaj, i cili kujdeset për programin e filmave në “Kino Armata” dhe ka zgjedhur këtë dokumentar të shfaqet për Ditën e Tokës, ka thënë se “Samsara” i përshtatet në shumë mënyra kësaj date dhe lë shumë hapësirë të perceptimit.

(Më shumë, sot në "Kohën Ditore")

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme