“Bryma e Vdekjes” jepet premierë në TKK

“Bryma e Vdekjes” jepet premierë në TKK

09 April 2019 18:51

Eksodi i refugjatëve, të cilët para njëzet vjetësh ia mësynë Bllacës, të dëbuar nga shtëpitë e tyre, u rikthye në kujtesë, nëpërmjet një projekti teatror.

“Bryma e vdekjes”, nëpërmjet lojës së aktorëve, solli në memorien e audiencës kujtimet për kampin famëkeq dhe përpjekjet për mbijetesë të popullit kosovar në marsin e prillin e vitit 1999.

Me tekst të Milazim Krasniqit e regji të Burbuqe Berishës, kjo shfaqje është realizuar si një thirrje për të reflektuar në të kaluarën dhe ndodhitë e para dy dekadave, transmeton emisioni Express në KTV.

Audienca e mirëpriti shfaqjen që u dha të hënën mbrëma në skenën e Teatrit Kombëtar të Kosovës.

Autori Milazim Krasniqi, tekstin e dramës e ka shkruar duke u bazuar në një përvojë të tijën personale dhe u nda i kënaqur me realizimin regjisorial.

Për regjisoren Burbuqe Berisha, ishte sfiduese ta pasqyronte një realitet të tillë në formë dokumentare.

Aktori Valmir Krasniqi, tha se roli i tij ishte ndër më të veçantit që ka portretizuar deri tani.

Audienca e premierës, përfshiu edhe emra të njohur të skenës teatrore që e mirëpritën shfaqjen.

Në role kryesore në shfaqjen “Bryma e vdekjes” luajnë Bujar Ahmeti, Teuta Krasniqi, Afrim Muçaj, Albulena Kryeziu, Blerya Deliu-Kodra, Ismet Azemi, Xhejlane Godanci etj.

© KOHA. Të gjitha të drejtat janë të rezervuara.

Komentet

Shto koment

Të ngjashme